Dörpshoezenlied 2015

Als gevolg van de verkiezing Dorpshuis van het Jaar is een uniek dörpshoezenlied opgenomen. Maker Harm Dijkstra heeft het nummer speciaal voor de dorpshuizen geschreven naar aanleiding van zijn ervaringen met die dorpshuizen voor het tv programma Strunen.
Wij denken dat u dit nummer zult waarderen en hopen dat het een lijflied wordt van alle Drentse dorpshuizen.

De CD is gratis beschikbaar voor leden van van de BOKD en u kunt de CD bestellen door een mail te sturen naar Paul van Schie.

Dörpshoezenlied – Harm Dijkstra ( juni 2015)

Bij ons in het dörpshoes is hiel wat gebeurd.

Daor hej vast en zeker almaol wal van heurd.

Oh oh oh, oh oh oh, wat hew wat beleefd.

en’t mug weinig kosten, daor hebt wij naor streefd.

Wij timmerden, varfden, en nou moej ies zien:

Zun prachtig mooi dörpshoes dat hef vast gienien.

Met frisdrank en koffie en pilsies oet’t vat,

en zölfs met een prachtig biljart.

 

Nee, dan moej het dörpshoes bij oes ies bekieken.

dat kuj met gien dörpshoes in Drenthe verg’lieken.

Met al die vrijwilligers , aal weken weer

en oh oh, wat was er een prachtige sfeer.

Aol Henduk die streide de molbulten vlak

En Jans repareerde het gattie in’t dak.

En wij hebt ok koffie en pilsies oet’t vat,

En hier stiet vanzölf ok zun prachtig biljart.

En koersbal. Jao koersbal. Oh schitterend man.

Aj old bint in Drenthe ontkoj daor niet an.

 

Ach jonges, het döt je misschien wal wat zeer,

maar hier in oes dörpshoes daor kuj nog veul meer!

De schoel en de biep en een zaaltie veur gym,

en’n twiedehands winkeltie. Is dat niet slim?

En wij hebt zun prima en krachtig bestuur,

Want aans wuur dat dörpshoes jao ok veuls te duur.

En wij hebt ok koffie en pilsies oet’t vat

Bij oes stiet er ok al zun prachtig biljart.

Natuurlijk ok koersbal, wal twie maol per week,

De vrouwen van nu zörgt veur koekies en cake.

En ok jeux de boel-es en aal zulkswat meer.

En ’n echtpaar in dienst veur’t beheer.

 

Zunder vrijwilligers, zee mien vrouw lest, was

oes mooie dörpshoes er vast nog niet west.

Alles, jao alles,    deden wij hier zelf.

Aal week maar weer met een man of tien elf.

En aj hier komt wonen, dan bi’j an de beurt:

Woj zó deur’t bestuur met naor’t dörpshoes in sleurd.

En dan koj an de koffie of’n pilsie oet’t vat.

En kiek, wij hebt hier ok een prachtig biljart.

En koersbal. Ja koersbal. Haj daor ooit van heurd?

Doet zes man an met. Dan koj vaak an de beurt.

En aal dagen kaorten. Het liefst um wat geld

Dat haw in de drokte nog aal niet verteld.

En ’s zaoterdagsaovonds de soos veur de jeugd.

Zo hebt wij veur ieder wal vreugd.

 

Ik bin veurzitter, hier van dit spul.

ja ja, inderdaod. Dat is gien flauwekul.

En ‘k zal je vertellen, ’t is uniek in dit land:

Dit kwam met vrijwillers almaol tot stand.

Nee echt waor. Zo bint ze hier. En da’s uniek.

As’t puntie bij ’t paoltie komp is’t iene kliek.

De ien helpt de aander, de aander de ien.

Wat dat tot gevolg hef   dat kuj hier mooi zien.

Ij weet niet waj ziet. Wij tapt pilsies oet’t vat.

En moej hier ies kieken. Een echt wedstriedbiljart.

En koersballen. Jaozeker. Dat doet ze hier ok.

Dan stiet’t vol rollators. Dan is’t hier zo drok.

En ien keer per maond kunt de mensen hier eten.

De  kaorters. Die mugt wij vanzölf niet vergeten.

En hier zit de peuterties . Is dat niet gek?

Kunt ok zo hen boeten, mooi achter dat hek.

Körtum: Een dörphoes dat zörgt veur vertier.

Een dörp zunder dörpshoes is dood as een pier.

Op hiel veul plekken giet alles geliek.

Toch is elk dörpshoes in Drenthe uniek.

Wat of de jury zeg dat zuw zo zien.

Elk vindt zien dörpshoes vanzölf nummer ien!

Wij hadden ‘t overal best naor de zin… Wat bin ik

bliede dat ik hier gien jurylid bin!

Hiel veul plezeer.Oj aj dolkies niet wint.

’t Is mooi dat er hier zoveul dörpshoezen bint!

Leve oes dörpshoers, waor dat ok stiet.

Dat was het einde van’t lied!